Parazitologiya fənninin tədrisinə dair

Apply

Parazitologiya fənninin tədrisinə dair

Journal Title: Scientific Work - Year 2024, Vol 18, Issue 8

Abstract

Xülasə Parazitar xəstəliklərin, hər şeydən əvvəl, malyariyanın və bağırsaq helmintozlarının sosial-iqtisadi əhəmiyyəti o qədər böyükdür ki, bu patologiya bir çox dünya ölkələrinin iqtisadi inkişafı üçün maneçilik yaradır. Qeyri-endemik ölkələrdə tropik parazitar xəstəliklərin gətirilmə halları insanların sağlamlığına ciddi zərər yetirir. Parazitar patologiyanın qlobal əhəmiyyətini nəzərə alaraq, əksər dünya ölkələri parazitar xəstəliklərlə mübarizə problemini qarşıya həll edilməli məqsəd kimi qoymuşlar. Parazitologiyanın öyrənmə obyekti olan protozoy xəstəliklər və helmintozlar infeksion patologiyanın mühüm hissəsini təşkil edir. Ümumdünya Səhiyyə Təşkilatının məlumatına görə, dünyada 4,5 milyarddan çox insan parazitar xəstəliklərdən əziyyət çəkir. Rusiyada hər il bir milyona yaxın parazitar xəstə qeydə alınır. Onların həqiqi sayı 20 milyon nəfəri ötür. ÜST göstərir ki, helmintlər tərəfindən törədilən xəstəliklər ən əhəmiyyətli yoluxucu və parazitar xəstəliklər arasında dünyada üçüncü, plazmodilər tərəfindən törədilən xəstəliklər ‒ dördüncü yeri tutur (müvafiq olaraq, 1,4 mlrd. və 600 mln. hadisə). Bütün bunlar tibb işçilərinin insanın parazitar xəstəliklərinin diaqnostikası, müalicəsi və profilaktikasının müasir prinsipləri ilə tanış olmasını şərtləndirir və onun tədrisini zəruri edir. Hazırlanmış yeni tədris proqramı ali tibb təhsili tələbələrinin tədrisi, həkimlərin diplomdansonrakı təhsili və müəllimlərin fəaliyyəti üçün tövsiyə olunur.

Authors and Affiliations

İbadulla Ağayev Azərbaycan Tibb Universiteti tibb elmləri doktoru Flora Tağıyeva Azərbaycan Tibb Universiteti tibb üzrə fəlsəfə doktoru Pəri İsaqova Azərbaycan Tibb Universiteti Əzimə Şıxəliyeva Azərbaycan Tibb Universiteti Zəminə Hüseynova Azərbaycan Tibb Universiteti

Keywords

EP ID EP747402
DOI 10.36719/2663-4619/105/37-42
Views 42
Downloads 0